გრძელი თმა, რომელზეც ბევრი ქალი ოცნებობს, ხშირად უფერულად გამოიყურება და მოუვლელის შთაბეჭდილებას ტოვებს. ამასთან, თუკი თმას უსიცოცხლო ელფერი აქვს, ქალის მომხიბვლელობასაც ჩრდილს აყენებს.
თუ შეამჩნიეთ, რომ თმის ბოლოები იპობა, დაუყონებლივ უნდა შეიჭრათ იგი,. ყოველ შემთხვევაში, იქამდე უნდა აიჭრათ, სადამდეც თმის ღერი დაუზიანებელია.
ახლა კი რამდენიმე რჩევა მათ, ვისაც თმის ქიმიურად დახვევა გადაუწყვეტია:
1)ქიმიური დახვევა უფრო მისაღებია საშუალო სიგრძის თმაზე. უმჯობესია, გაიკეთოთ საშუალო ან მსხვილი კულულები.
2) თუ ძალზე თხელი თმა გაქვთ, მოერიდეთ ქიმიურ დახვევას, ვინაიდან, შესაძლოა, ამ პროცედურის ჩატარების შემდეგ იგი საგრძნობლად დაზიანდეს.
3) ასევე არ არის რეკომენდირებული, ძალიან სქელი და უხეში თმის დახვევა, ვინაიდან ასეთ შემთხვევაში, თქვენი თმა უფრო გაფუებული გამოჩნდება და მისი მოვლაც მეტად გაგიჭირდებათ
4) არასოდეს გაიღიაოთ ან გაიმუქოთ თმა ქიმიური დახვევის წინ. სითხე, რომელიც დახვევის დროს გამოიყენება, ფერს უცვლის საღებავს - თმას ერთი ტონით აბაცებს. ამასთანავე უკარგავს ბზინვარებას. შეღებილი თმა მხოლოდ 2-3 კვირის შემდეგ დაიხვიეთ.
5) ქიმიური დახვევის შემდეგ, უმჯობესია, თმა შეიღებოთ შედარებით მუქ ტონებში. ამით თავიდან აიცილებთ თმის დამწვრობასა და გაუხეშებას.
6) ქიმიური ვარცხნილობის შემდეგ თმის უხეშად დავარცხნას მოერიდეთ. რეკომენდირებულია შამპუნით დაბანის შემდეგ თმაზე ბალზამის დადება და თითოეული კულულის საგულდაგულოდ დავარცხნა.
7) დაბანის შემდეგ ქიმიურად დახვეული თმა არავითარ შემთხვევაში ფენით არ გაიშროთ, ეს თმის ღერს გააუხეშებს.
8) რეკომენდირებულია თმის ზეთების გამოყენება.
9) ასევე, დახვეული თმა მშრალ მდგომარეობაში არ დაივარცხნოთ. ეს მას აზიანებს.
10) რეკომენდირებული არ არის დამწვარი თმის ხშირ-ხშირად დაბანა.
