ღმერთო მაპატიე .. მე ბევრი შევცოდე
ბევრჯერ ავუხვიე სავალ გზას,
ღმერთო მაპატიე... თვითონაც ვცდებოდი
მაგრამ განვკითხავდი მუდამ სხვას.
ღმერთო მაპატიე ბევრმა მიღალატა
და მეც ვუღალატე სანაცვლოდ
ღმერთო მაპატიე ყოველი სიმდაბლე
მეტს აღარაფერს აღარ გთხოვ!
ვიცი შენ მოწმე ხარ იმ შეცდომებისა
ყოველ ნაბიჯზე რომ ვტოვებდი ...
და გთხოვ მაპატიე , რომ ასე ამაყად
შენგან პატიებას მოველი...
ღმერთო მაპატიე ყოველი სიცრუე,
სიცრუის მსხვერპლი ვარ მე თვითონ...
ახლა შენს წინაშე სიმართლით წარვსდექი
ამიტომაც მჯერა - შემინდობ!
ისიც მაპატიე გონებით ვცხოვრობდი...
არასდროს ვუსმენდი გულს!
|
