სახლის პირობებში ჭორფლის გაფერმკრთალება
ჭორფლს შეიძლება მემკვიდრული ბუნება ჰქონდეს, თუმცა არის შემთხვევები, როცა თეთრი კანის მქონე ადამიანებს გენეტიკური ფაქტორების არარსებობის პირობებშიც აქვთ ჭორფლი. აღსანიშნავია, რომ ჭორფლი მუქდება გაზაფხულზე, რისი მიზეზიც გაზაფხულის მზეა, ზამთარში კი შედარებით უფერულდება. შეუძლებელია ჭორფლის თავისთავად, დროთა განმავლობაში გაქრობა. მისი გაუფერულების მიზნით თქვენ მუდმივად უნდა გამოიყენოთ სპეციალური გამათეთრებელი ნიღბები, ლოსიონები ან კრემები, რომელთა ფართო არჩევანიც გვაქვს დღევანდელ კოსმეტიკურ ბაზარზე. თუ ვერ ახერხებთ ამ პროდუქციის ყიდვას, მაშინ შემოგთავაზებთ ჭორფლის შედარებით გასაღიავებელი ერთ-ერთი საშუალების რეცეპტს: თანაბარი რაოდენობით აურიეთ ერთმანეთში ძმარი, ლიმონის წვენი და გამოხდილი წყალი. მიღებული ნარევი წაისვით ჭორფლიან კანზე დღეში 2-ჯერ. შეგიძლიათ მჟავე მაწვნის კანზე წასმაც ამავე მიზნით. ადგილობრივი მოხმარების საშუალებების პარალელურად უნდა სვათ C ვიტამინი. გარეთ (მზეზე) გამოსვლის წინ კი სახეზე უნდა წაისვათ SPF დამცავი კრემი. იგი სხვადასხვა სიძლიერისაა, თქვენი კანის შესაბამისს კი კოსმეტოლოგი შეგირჩევთ.
ჭორფლის გასაფერმკრთალებელი ორი ნიღბის რეცეპტს შემოგთავაზებთ:
1. ნახევარ ჭიქა ნუშის გულს დაასხით 1 ჩაის ჭიქა მდუღარე წყალი, 3-5 წუთის შემდეგ წყალი გადაღვარეთ, ნუში კი ხორცსაკეპ მანქანაში გაატარეთ. მიღებულ ფაფას დაამატეთ ნახევარი ლიმონის წვენი და 1 სუფრის კოვზი ანადუღარი წყალი, კარგად ათქვიფეთ და გაიკეთეთ ნიღაბი, რომელსაც 30 წუთის შემდეგ ცივი წყლით ჩამოიბანთ. ნიღაბი უნდა გაკეთდეს კვირაში ორჯერ 4-5 თვის განმავლობაში.
2. 1 ცალი ლიმონის წვენი, 1 კვერცხის ცილა, 10 გრამი შაქარი და 100 მლ წყალი კარგად უნდა აურიოთ ერთმანეთში და დაიდოთ გაწმენდილ სახეზე, გაწმენდიდან არა უგვიანეს 20-30 წუთისა. უნდა გაიჩეროთ მანამდე, ვიდრე კარგად არ გაშრება. უნდა მოიცილოთ წყალში დასველებული ბამბის ტამპონით. სახე უნდა გაიწმინდოთ 2 ჩაის კოვზი ლიმონის წვენისა და ნახევარი ჭიქა წყლის ნარევით. ეს პროცედურა უნდა ჩაიტაროთ დღეგამოშვებით.
- ჭორფლიან კანზე რეკომენდირებულია გახეხილი ბოლოკის დადება 15 წუთით (უმჯობესია თუ კანზე კრემი გექნებათ წასმული), შემდეგ თბილი წყლით ჩამობანა და შემდეგ ცივი წლის შესხმა.
რაც შეეხება ბოლოკის სპირტიან ნაყენს, იგი ასე მზადდება: გახეხლ ბოლოკს ასხამენ არაყს (1:1), აჩერებენ სიბნელეში ერთი კვირა, შემდეფ ფილტრავენ. მაგრამ ეს ნაყენი გამოიყენება ჩალურჯებულ კანზე (დაჟეჟილობაზე იდებენ ამ ნაყენში დასველებულ მარლას 30 წუთით)
კოსმეტიკური პრეპარატები
პასუხობს დავით ტატიშვილის სამედიცინო ცენტრის ექიმ-დერმატოლოგი ლია ჭითანავა
პიგმენტური ლაქების საწინააღმდეგო ეფექტური საშუალებებია ისისპჰარმა ფირმას ( ფრანგულ ფირმა) წარმოების:
უნიტონე 4 _ეს არის ღამის კრემი, რომელიც გამოიყენება ნებისმიერი წარმოშობის პიგმენტური ლაქების (მათ შორის ჭორფლის) შემთხვევაში, აქვს დეპიგმენტაციური თვისებები, თრგუნავს მელენინის სინთეზს, აქვს მათეთრებელი და მსუბუქად ამქერცლავი ეფექტი. წაისევით პრობლემურ ადილებზე დღეში ერთხელ საღამოს, დღისით გამოიყენეთ მზისგან დამცავი დღის კრემები. მკურნალობის კურსი შეადგენს 3 თვეს. სასურველია, მკურნალობა შემოდგომა-ზამთარში ჩატარედე.
ასევე ეფექტურია უნიტონე _ ეს არის დეპიგმენტაციური შარატი, რომელიც იხმარება ნებისმიერი წარმოშობის ლაქების წინააღმდეგ. უნდა წაისვათ პრობლემურ კანზე დღეში 1-2-ჯერ.
