გარემო შიშველ ხეებად,
ყვითელ ფოთოლთა სასაფლაოდ
იქცა ქალაქი.
ახლა ერთხელაც
ღირს დაფიქრება,
როგორ სჯობს ნეტავ,
შავ–თეთრი გადაიღო ფოტოსურათი,
თუ კვლავ ფერადი?
ან ეგებ სულაც მთლად გაშიშვლდე,
როგორც აი, ამ ფოტოსურათზე,
გაიშხლართო და დაივიწყო
ყველა პრობლემა…
და შეგეძლოს თაზა სხეული,
რომელიც შენ ერთს გებოძება, ( გებოძა)
ვაზის ფოთლებზე გადაფინო და
ჩამოიბერტყო ცოდვები,როგორც
ვაზმა ფოთლები…
და იმ წამშივე გადაიღო
ახალთახალი ფოტოსურათი.
