....................... - 11 მარტში 2010

♥♥♥♥♥♥

მთავარი » » .......................

12:45 PM .......................
*ქარი გეხება ჩალისფერ თმებზე,* *ნაზად გიამბობს ჯადოსნურ ამბავს* *ამ ნაამბობში სათუთად აქსოვს* *გალობად ქცეულ გრძნობების ზღაპარს...* *შენი თვალების ელვარე მზერა* *გულში ჩამრჩება ვერ ვიძრობ ლახვარს!...* *ტუჩების ფერი შენი დაჩრდილავს* *ყაყაჩოს ელვას ათასჯერ ნანახს...* *ქარი გეხება ჩალისფერ თმებზე,* *ნაზად გიამბობს ჯადოსნურ ზღაპარს...* *ალბათ შევხვდებით ოქროსფერ ველზე* *ერთმანეთს ვეტყვით:"მშვიდობით, კარგად..."* *..............................................................* *მე დაბრუნებით ტკივილებს წავშლი,* *ოღონდ მოსვლამდის, ოღონდ ბოლომდის,* *როგორც გაზაფხულს ელიან მთაში, -* *შენი ლამაზი გული მელოდეს.* *შევყრი მეგობრებს, მაღალ მაყრიონს,* *ორღობეებში გასროლას დოღის,* *ზეცის ჩამოხსნას, მთების შერყევას* *ჯილდოდ მოვუტან ბრწყინვალე ლოდინს.* *და შენს ეზოში დაუკრავს ზურნა,* *დაბალი ხმებით დუდუნი დოლის,* *აგიცხადდება სიზმარი შორი,* *გაგახსენდება დობილთა ზრუნვა.* *გეტყვიან... ოი, ჰკარგავ ბავშვობას,* *ოი, დობილებს გვტოვებ ბავშვებად,* *მშვიდობა ყრმობას და თამაშობას,* *მშვიდობის შუქი ნურც მოგეშვება.* *... და ქორწილს ზეცის სუფრაზე გავშლი,* *ოღონდ მოსვლამდის, ოღონდ ბოლომდის,* *როგორც გაზაფხულს ელიან მთაში,-* *შენი ლამაზი თრთოლვა მელოდეს.* *..........................................................* *მე მარტოობამ როგორც ფიქრი გამაცამტვერა,* *და მეც უძლური ველოდები მაცდურ განაჩენს,* *ავედევნები კვლავ კლავიშებს ქარად და მტვერად,* *მაინც ჩემნაირს ხვალ დროება ათასს გააჩენს.* *აღარ ვიქნები მარტოდმარტო შენი მგოსანი,* *მრავალ პოემებს მიუძღვნიან მშვენებას შენსას,* *მე ერთი ლექსი შემრჩენია შენთვის ფრთოსანი,* *სხვა ვერ გაიგებს ამ სატკივარს და განცდას ჩემსას.* *ვერ გავექეცი მარტოობას ვეღარც სიზმარში,* *თითქოს გაქვავდა ყველაფერი, აქ ჩემს გარშემო,* *რაღაც მაკლია ვიქექები ჩუმად ფიქრებში,* *იქნებ მიზეზი მარტოობის ვინმემ მაჩვენოს.* *მე აღარ მინდა არც სიკვდილი, აღარც სიცოცხლე,* *ჩემთვის სიკეთეც, ბოროტებაც უკვე ერთია,* *მარტოობაში თუ ამ ქვეყნად ერთ წამს იცოცხლებ,* *მაშინ მიხვდები რომ სიკვდილი ამ წამს გერჩია.* *მე მარტოობას გავექეცი ამ ქვეყნად ვითომ,* *მაგრამ აღმოჩნდა, მარტოობა ვყოფილვარ თვითონ.* *................................................................................* *თავს შევაფარებ ცისფერ ოცნებას* *და სილურჯეში დავიკარგები,* *წავალ და ვივლი სიყვარულისკენ* *ამ სიყვარულში დავიმალები.* *ისევ მარტო ვარ,კვლავ მარტო იცი?* *ვით ხეს ფოთლები შემომეცალა,* *მაგრამ მე ისევ წმინდანად დავრჩი,* *სიწმინდისათვის სხვას ვის ეცალა.* *ნაცრისფერ მიწას დარდი მოაწვა* *ლურჯი ოცნება დამრჩა მე ცაში,* *სხვას ვისაც უნდა მიწაზე დარჩეს,* *მე ავფრინდები მაღლა ზეცაში.* *თავს შევაფარებ ცისფერ ოცნებას* *და სილურჯეში დავიკარგები,* *წავალ და ვივლი უკვდავებისკენ,* *უკვდავებაში დავიმარხები.*
1 2 3 4 5 კატეგორია: ♥ლექსები სიყვარულზე♥ \| ნანახია: 1105 \| დაამატა: nika_wero \| რეიტინგი: 5.0/1