მომეცით სულ ცოტა ემოცია....
ამიქნიეთ თვალებწინ ხელი,
თორემ
აღარც
კი
ვიცი,
საით
ვიყურები.
დამანახეთ ადამიანები.
მომწერეთ სასიყვარულო წერილები და მერე სახეში გამარტყით.
ამიხსენით სიყვარული
და ყველა სიტყვა უკან წაიღეთ,
რომ
სიყვარულის ახსნის აღარ დავიჯერო.
ეცადეთ მიყიდოთ ლამაზ სიტყვებად.
სეილია.
გამიღიმეთ და მერე გამჭორეთ
შემიშურეთ
და
მიმატოვეთ.
დამანახეთ ადამიანები!
ფიტულები უკვე დავინახე...
შემომაყარეთ თვალებში სინამდვილე.
შემომფიცეთ მეგობრობა და გამყიდეთ.
ძვირი არ ვღირვარ.
სულ
რაღაც,
ერთი ადამიანი !
