 სიყვარულს უხსნიან ერთმანეთს
ჭადართან გოგო და ბიჭი,
რამდენი რამე მაქვს სათქმელი,
უშენოდ ძალიან მიჭირს.
გოგონას ამშვენებს გვირილა,
ამაყად ნათქვამი ფიციც,
ჭადართან თუ ვეღარ გიხილავ,
სულ ჩემი ბრალია,ვიცი.
გვირილა ბარათის კუთხეში
მოიტანს სევდას და ტკივილს,
რამდენი რამე მაქვს უთქმელი,
დაკარგულ სიყვარულს ვტირი.
და მხოლოდ სიზმრებში გხედავდი,
წუხილად მიქციე ძილიც,
თუ ისევ მომიყვანს შენამდე,
გავყვები ბავშვობის ბილიკს.
ეფერეთ სიყვარულს, ეფერეთ,
უკვალოდ გააქრობს დრო,
იმ პირველ სიყვარულს უმღერეთ,
იმ ცრემლებს,წვიმას და თოვლს! |
