დაბინდულია თვალები სივრცით,
გადავიღალე მზესთან თამაშით...
მალე წვიმები იქნება დიდი
ღამე დაფერილ სტრიქონს გადაშლის.
რად მემატება ღმერთო ფიქრები
ბავშვად დარჩენა სჯობდა იქნება,
მე აღტაცება ვიცი ისეთი
ასაკში შესვლა არ მომიხდება.
ისე მაღელვებს მზე და აისი,
არ მომიხდება მშვიდი სიბერე.
ნუ დამაბერებთ, თორემ დაღლილი
ასე გულწრფელად ვეღარ ვიმღერებ.
ამომიღამდა თვალები სივრცით
გადავიღალე მზესთან თამაშით.
მალე წვიმები იქნება ვიცი,
ღამე დაფერილ სტრიქონს გადაშლის.
|
