შენ მხოლოდ ჩემი ბავშვობის მოგონება იქნები,
დრო გავა, აღარ დამატყვევებს მე შენზე ფიქრები..
ერთხელ გაგეხუმრე, გითხარი:"მომართვი ვარდები"
და ის დრო გავიდა, დამთავრდა სპექტაკლი, დაეშვა ფარდები..
ერთმანეთს ვატკინებს გულები ჯინაზე მე და შენ,
მაგრამ ოდესღაც ჩვენ გვქონდა ერთგვარი სინაზე..
შენ იქით წახვედი, მე სხვა გზას გავუყევ კარდაკარ,
ალბათ მომიგონებ ჯერ ხშირად, მერე კი ხანდახან..
დრო გავა, აღარ მომერევა სულელი ფიქრები,
შენ კი მხოლოდ ჩემი ბავშვობის მოგონება იქნები.
..........................................................................
შენთან ძილი მინდა,
შენგან შვილი მინდა,
შენი სიცოცხლისთვის -
თუმც სიკვდილი მინდა.
ჩემი არ მეყოფა,
სხვისი წილი მინდა,
სხვა დაბადების დღე,
სხვა ქორწილი მინდა.
შენი საიდუმლო
ყველა ხსნილი მინდა,
შენი ბაგე მინდა,
შენი კოცნა მინდა.
შენს ნაკვალევზე
სულ სირბილი მინდა,
შენ რომ უნდა მოგკლას
ის სიკვდილი მინდა.
შენთან სულ სიმღერა,
სულ სიცილი მინდა,
შენ რომ დაგწამებენ
მეც ის ცილი მინდა.
ჩვენ რომ შეგვაერთებს
ის მანძილი მინდა.
შენი შემოხედვა
კმაყოფილი მინდა.
ჩვენი სიყვარული
უფრო ზრდილი მინდა -
შენთან ძილი მინდა,
შენგან შვილი მინდა!!!
..
|
