მინდა დავწერო, მინდა ვიგრძნო
და თან გავლექსო,
მინდა ვიფრონო შორს ღრუბლებში,
ცა რომ ვიხილო,
მინდა მოგიძღვნათ ყვავილების
უხვი სამეფო,
მინდა გაჩუქოთ ოცნებათა
ჩუმი საუფლო...
და ბოლოს სანამ
სამუდამოდ დაგვაშორებენ,
სანამ ცრემლებით დასველდება
თეთრი სიჩუმე,
მე მოვალ თქვენთან და
დაგიღებთ სულის დარაბებს,
ჩურჩულით ნათქვამს
მაღალ გრძნობით გაგითამამებთ,
უხილავ ფიქრებს
ცისფერ ფრთბით მაღლა აგიფრენთ,
და მაშინ იგრძნობთ,
როგორ ძლიერ გიყვარდათ ყველა
თუ როგორ ძლიერ დამივიწყეთ
და როგორ მტკენდით,
მაგრამ მე მხოლოდ გავიხსენებ
იმ ტკბილ საათებს,
სიხარულის და სითბოს ფერად
რომ იღვრებოდით
.
|
