ნეტავ ვინა სთქვა,ვინ მოიგონა,
რომელს გაუწყრა ღმერთი?
სიყვარულიდან სიძულვილამდე
ნაბიჯიაო ერთი..
ერთი კი არა,ასი ათასი,
მთელი სიცოცხლე ალბათ,
თუ მართლა გიყვარს,რომ მოინდომო,
მაინც ვერ გალევ ამ გზას.
მონატრებიდან მოგონებამდე,
სიყვარულიდან სიძულვილამდე,
გწამდეს,ვერასდროს მიხვალ!
.........................................................
მინდა სასმისივით დაგეცალოს,
სადმე მტერი თუ გყავს ათიოდე,
ტკივილი სიხარულში გაგეცვალოს,
ამაყი,უდარდელი დადიოდე.
მინდა სიყვარულმა დაგაჯეროს,
უკუნი გაგინათონ კელაპტრებმა,
მიზანთან არაფერმა გაგაჩეროს,
აგიხდეს,თუკი რამე გენატრება.
მინდა ბედნიერი კაცი იყო,
დარდმა არ დაგიმონოს მცირედმა,
გრძნობისგან არასოდეს დაცლილიყო,
ბოლომდე გიმეგზუროს იმედმა.
მინდა სასმისივით დაგეცალოს,
სადმე ,მტერი თუ გყავს ათიოდე,
წუხილი სიხარულში გაგეცვალოს,
ამაყი უდარდელი დადიოდე.
|
