ჯერ არ წახვიდე, ერთად ვნახოთ ლურჯი ნაპირი,
უეცარ სევდას დავაბერტყოთ სითბო ტანების,
შევაბარბაცოთ ფხიზლადმყოფი განშორება და
წარსულის შფოთვა დავათენოთ ღამეს დაღვრემილს.
ჯერ არ წახვიდე, შენს პერანგზე ლაქაა ღვინის,
ხო, ეჭვიანობს ის, რომ სახლში გაგვიანდება,
ნეტავი ყველა საათს ერთად დატყდეს ისრები,
და არ ეტკინოს ისევ გული ჩემს მონატრებას.
ჯერ არ წახვიდე, ერთხელ კიდევ დავდგეთ წარსულთან,
და კიდევ ერთხელ დამივარცხნე ფანქრებით თმები,
კიდევ ცოტა ხანს შემომხედე უწინდებურად,
ჯერ არ წახვიდე, დამიხატე ჩემი სიზმრები!
|
