ნებისმიერი დეკოლტე მხოლოდ უზადო კანის შემთხვევაშია გამართლებული. აბაზანის მიღებისას გამოიყენეთ არაარომატიზებული ზღვის მარილი. წყლიდან ამოსვლამდე წინამხარი, იდაყვები და ზურგი სპეციალური უხეში ხელთათმანით დაიზილეთ.

ბაზანის შემდეგ კი კანზე საბავშვო ზეთი წაისვით. ათ დღეში სამჯერ მაინც გაიკეთეთ ნიღაბი, რომელიც ხელს შეუწყობს მხრებისა და ყელის კანის გაახალგაზრდავებას. ამისთვის ჩვეულებრივ კრემს შეურიეთ 2 სუფრის კოვზი ხაჭო, მიღებული მასა წაისვით ყელსა და მხრებზე და 20 წუთით გაიჩერეთ.

ყელზე ნაოჭების პროფილაქტიკისთვის ერთ მარტივ ვარჯიშს შემოგთავაზებთ: დაწექით ზურგზე, საწოლიდან თავი გადმოკიდეთ. შემდეგ თავი 15-20-ჯერ წამოსწიეთ და ფეხის ტერფებს შეხედეთ. ეს ვარჯიში დღეში 2-3-ჯერ გაიმეორეთ.