რადგან მტვრალი ვარ, ნუ იფიქრებთ ღვინით
ვარ მთვრალი,
სიმთვრალე მარტო ღვინოს როდი მოუგონია
მე სიყვარულის წმინდა გრძნობით მიყვარდა ქალი,
მისი ეშხისგან თუ ვარ მთვრალი ასე მგონია.
მე ფიროსმანის ფუნჯი მინდა ვადიდო მარად,
რომ ტივზე მდგომი ყარაჩოხელი ფერებში ვხატო.
გალაკტიონის "მერი" მინდა ვიმხერო მანამ,
პირში სული მაქვს და სიცოცხლე არ დამტოვს მარტო.
დამისხით ღვინო, ნუ იფიქრებთ, რომ მე მთვრალი ვარ,
მე ხომ თქვენდამი სიყვარული მალაპარაკებს.
მე სატრფოსადმი სიყვარულის დიდი ვალი მაქვს
და ამ სიყვარულს არ გეგონო გულში ვმალავდე.
მე რამ დამათრო? ალბათ სატრფოს მწველმა თვალებმა,
რამ დამანელა? გაბუტულმა მისმა ბაგენმა.
რამ გადამრია? მოტრფიალე ლამაზმანებმა.
და სიყვარულის დიდმა გრძნობამ კვლავ ამამღერა.
|
