რად მიყურებ აგრე კუშტად,
გალეული ხარ ჯავრით,
მე ვიცი რომ კლავენ მუშტით,
ზოგჯერ კლავენ ხანჯლით.
კლავენ თოფით, კლავენ ცულით,
კლავენ ჩანგლით, ფიწალით
და ივსება მიწის გული,
მერე ოთხი ფიცარით.
ბევრს ყუბბარა დააქვს ჯიბით,
ბევრსაც შხამი გიურზის,
ბევრი კვდება შურით, ჯიბრით
ეწირება ლიმუზინს.
ახლა ჩემი ჯერიც დადგა,
ვერსად დაგემალები,
სხვა იარაღს არ ფლობ რადგან,
მომკლავ ე მაგ თვალებით.
|
