მარტოობის შესახებ ყველაფერი წერია წაიკითხეთ და გპირდებით მოგეწონებათ და რჩევებიც არის აქ :)
და აქ არის კიდევ მარტოობის 10 სასარგებლო :)
მარტოობა, ნებისმიერი ადამიანის ცხოვრების განუყოფელი ნაწილია. ცხოვრების ეს თანამგზავრი კი ბევრი ჩვენთაგანისთვის ძნელად ასატანია. თუმცა, როდესაც ის არ უფიქრდება მარტოობის განცდას, აღარც არის მისგან შეწუხებული, მაგრამ ასეთი ადამიანები პირადად მე არ შემხვედრია. მარტოობის სარგებლობის აღქმა ყველაზე უფრო მეტად შეუძლიათ, ხელოვანებს ვინაიდან მათთვის მარტოობა – თავისუფლებაა. რაც შეეხება ჩვეულებრივ ადამიანს, რომელიც არც ხელოვანია და არც მარტოობის მოყვარული, ამ უკანასკნელს აღიქვამს როგორც ტანჯვას და ტუსაღობას ჭეშმარიტი სიყვარულის მოლოდინში. მათთვის მარტოობა – ციხეა. ეს მტკივნეული და მწარე განცდაა და ამ ყველაფერს რა თქმა უნდა თან ახლავს დეპრესია და სასოწარკვეთილება. თუმცა, არსებობს მეთოდები, რომელთა საშუალებით შესაძლებელია მარტოობის დამარცხება და მასთან ჰარმონიულად ცხოვრება. ასეთი შესაძლებლობები კი მრავალია და არა ერთხელაა შემოწმებული. იმედია, რომ ეს სტატია და აქ წარმოდგენილი მეთოდები ისევე დაგეხმარებათ თქვენ (თუ რა თქმა უნდა მარტო ხართ, ვინაიდან ბედნიერ და სიყვარულში წარმატებულ ადამიანებს ასეთი სტატიები ნაკლებად აინტერესებთ) როგორც მე, თავის დროზე.
1. უპირველეს ყოვლისა აღიარეთ თქვენი თავის წინაშე, რომ : "დიახ! ცხოვრების ამ ეტაპზე მარტო ვარ! თავსაც ცუდად და მიტოვებულად ვგრძნობ. არ მომწონს ასეთი მდგომარეობა და მზად ვარ, რომ ცვლილებების გზას დავადგე და ვიცი, რომ მეყოფა ძალა და ნებისყოფა, მოვერიო დარდს და სევდას!”. ეს ბოლო ორი ფრაზა კი ეცადეთ ხშირად იმეოროთ, დღის მანძილზე.
2. არავითარ შემთხვევაში არ ვზივართ გულხელ დაკრეფილები! სასწრაფოდ გვჭირდება საქმე და შრომა, ამის შესაძლებლობას კი ჩვენი სახლი თუ ბინა, ნამდვილად გვაძლევს. ტყუილა არ არის ნათქვამი, რომ ადამიანი შრომაში იხარჯება და პულობს შვებასო.
3. მუშაობას თუ დალაგებას აუცილებლად შეუფერეთ სიმღერა! იმღერეთ, ხმამაღლა და შეუჩერებლად. დაარღვიეთ სიჩუმე და სიმღერის საშუალებით დაიცალეთ ნეგატიური და უარყოფითი გრძნობებისგან.
4. როგორც ძველი ერები გვასწავლიან, ძლიერი მუსიკა, ჰიმნები, ტრიუმფალური მარშები და კლასიკური მუსიკა, ადამიანს ოპტიმისტურ განწყობას და ძალას მატებენ. სწორედ ამიტომ, სიმარტოვის და სევდის დასამარცხებლად ხშირად უსმინეთ ძლიერ სიმფონიებს და კლასიკას, რაც მრავლად არის როგორც ქართულ ასევე უცხოურ მუსიკაში.
5. შეიცვალეთ გარეგნობა: თმის ფერი, ვარცხნილობა, იმიჯი, ჩაცმულობა, სტილი, ქცევის მანერები. ეს ყველაფერი საჭიროა იმისათვის, რომ ჩვენ საკუთარი თავი ახლებური კუთხით დავინახოთ და უფრო მეტად შევიყვაროთ. გაუმჯობესებული და გაბრწყინებული ადამიანი კი ყველასათვის საინტერესო და სასურველია.
6. ცხოვრება თეატრია, ჩვენ კი მსახიობები ვართ. სწორედ ამიტომ ღირსეულად თამაში უნდა შევძლოთ და ცხოვრებაში არა მეორეხარისხოვანი როლი, არამედ მთავარი როლი უნდა შევასრულოთ. ეცადეთ ხშირად გაიღიმოთ და გაიხსენოთ ყველა ის ღირსება, წარმატება, სილამაზე და დადებითი თვისებები რაც გაქვთ. ნუ დაიმალებით და ნუ ჩაიკეტებით თქვენს საკუთარ თავში. ეცადეთ გაღიმებული და გაბრწყინებული გამოჩნდეთ მეგობრების წრეშიც, ოჯახშიც და სამსახურშიც.
7. დაივიწყეთ ყველაფერი ძველი: უსარგებლო ნივთები, ჩვევები, შეხედულებები და სტერეოტიპები. განტვირთეთ სახლი ზედმეტი ნივთებისგან და დატოვეთ მხოლოდ ისეთები, რომლებიც თბილ და კარგ მოგონებებს უკავშირდება.
8. ჩვენ ყველანი, მთელი სამყაროს განუყოფელი ნაწილი ვართ. სწორედ ამიტომ დახმარებისთვის უნდა მოვიხმოთ 4 პლანეტური სტიქია – ცეცხლი, ჰაერი, მიწა და წყალი. არა, ეს არა ჯადოქრობა არამედ რელობაა, რომელსაც ადამიანები ათასწლეულების მანძილზე იყენებდნენ და თანაც წარმატებულად.
• ეცადეთ სახლში ყველაზე უსაფრთხო ადგილებში დაანთოთ სანთლები ან თუნდაც ბუხარი. ცეცხლი გააქრობს დარდს და ძალას შეგძენთ.
• გააქარწყლეთ დარდი წყლის საშუალებით. მიიღეთ აბაზანა ან შხაპი და ხშირად გაიმეორეთ: `ამ წყალთან ერთად წავიდეს ჩემი დარდიც~. როგორც ცნობილია წყალი აქრობს ნეგატიურ შეგრძნებებს.
• ყოველ დილით და ღამით ძილის წინ, ღრმად შეისუნთქეთ სუფთა ჰაერი, ფანჯრის წინ ან აივანზე. იყავით მადლიერი ყოველი დღისთვის რაც წარსულში გქონდათ და რაც მომავალშიც გექნებათ.
• იარეთ ფეხშიშველა სუფთა მიწაზე, სულ რაღაც 15-20 წუთით. ასეთი ადგილები კი თბილისში მრავლადაა. აირჩიეთ საბავშვო მოედანი, სუფთა სკვერი, მოვლილი ეზო და თამამად შეიგრძენით მიწა შიშველი ფეხებით. მიწა მოგცემთ ძალას და განგტვირთავთ უარყოფითი ემოციებისგან.
9. ესაუბრეთ თქვენს თავს. ეს საჭიროა იმისათვის, რომ გააცნობიეროთ უმთავრესი ფაქტორი: "მე ჩემი საკუთარი თავი მყავს”. ისაუბრეთ თქვენს სურვილებზე, ოცნებებზე, მიზნებზე. ერთი სიტყვით გააცნობიერეთ, რომ თქვენ საკუთარი შინაგანი "მე” გყავთ და იმეგობრეთ მასთან.
10. დახმარებისთვის ვიხმობთ ფერების თერაპიას! დახუჭეთ თვალები და დააკვირდით რა ფერს ხედავთ. შესაძლებელია ეს ეგრევე არ გამოგივიდეთ. ასეთი ვარჯისები დეპრესიის დამარცხების და ყურადღების გადატანის საუკეთესო საშუალებაა.
11. დავიხმაროთ სურნელებიც. არომათერაპია ერთ-ერთი უძველესი და სასარგებლო მეთოდია დეპრესიის წინააღმდეგ. შეიძინეთ ახალი სუნამოები და ასევე ოთახის `სპრეი დეოდორანტები~. დაე თქვენს სახლში სასიამოვნო, კრისტალური და გამოცოცხლებული სურნელი ტრიალებდეს.
12. ჩაეწერეთ სხვდასხვა კურსებზე, იქნება ეს უცხო ენების, საჭმლის მომზადების, ცეკვის, მანქანის მართვის თუ სხვადასხვა მუსიკალურ ინსტრუმენტებზე დაკვრის შესასწავლი კურსები. ასეთი ადგილები დაგეხმარებათ უფრო მეტ ადამიანთან ურთიერთობის დამყარებაში, მეგობრების შეძენაში, ცხოვრების გახალისებაში და უბრალოდ სიმარტოვის დავიწყებაში.
13. მოამზადეთ სადილი და სტუმრად მოიწვიეთ ახლობლები. თუ დასაპატიჯებელი არავინ გყავთ, ასეთ შემთხვევაში შეგიძლიათ მოიწვიოთ ის ადამიანი, რომელიც ყოველთვის თქვენს გვერდითაა – მეზობელი. შეიძლება მას ადრე ვერ ამჩნევდით, მაგრამ, ერთობლივი სადილის შემდეგ თავისუფლად არის შესაძლებელი დაახლოვება და დამეგობრება. თუ ასეთი ორმხრივი ვიზიტები ხშირი იქნება, ეს ორივესთვის სასარგებლო იქნება.
14. გახდით მოთხოვნადი. ეს არც ისეთი რთულია, როგორც ერთი შეხედვით ჩანს. გამოაქვეყნეთ განცხადება წრის შექმნის შესახებ ისეთი ბანალური სათაურებით როგორიცაა: `სასოწარკვეთილი დიასახლისები~; `1000 რჩევა იმის შესახებ, თუ როგორ უნდა გამდიდრდე~; `როგორ მოვიცილოთ არასასურველი თაყვანისმცემლები~ და მიუთითეთ თქვენი ტელეფონი. ამის შემდეგ კი ზარები თქვენს ნომერზე ნამდვილად არ შეწყდება. ქალები ყოველთვის ინტერესდებიან ასეთი საკითხებით. მართალია, პირადად მე ეს მეთოდი არ გამომიყენებია. თუმცა, მსმენია, რომ ეს საკმაოდ პრაქტიკული, სასარგებლო და სახალისოა.
15. შეადგინეთ თქვენი გართობის სია: გაითვალისწინეთ, რომ ტელევიზორის ყურება და ინტერნეტი ამ სიაში არ შედის. გართობა მხოლოდ ადამიანების გარემოცვაში უნდა შეძლოთ. წადით კინოში, თეატრში, ოპერაში თუნდაც მარტო. დაათვალიერეთ მუზეუმები, გამოფენები და ჩვენი მშვენიერი თბილისის უამრავი თავლსაჩინო ადგილი და დღის ბოლოს, დაღლილი და დაქანცული, თუ კაფეში ან რესტორანში მოითქვამთ სულს და თუ ახალგაზრდა და სიმპატიური მამაკაცი ეცდება თქვენს გაცნობას, რა თქმა უნდა უარს არ იტყვით.
16. გაემგზავრეთ უცხოეთში და შორეულ ქვენებში. ჩემი პრაქტიკიდან გამომდინარე, თამამად შემიძლია ავღნიშნო, რომ მოგზაურობა უცხო ქვეყნებში დარდს და სევდას სასიკვდილოდ ამარცხებს. მიენდეთ ბედს და დატკბით ცხოვრებით. როგორც ცნობილია მოგზაურობის დროს შემდგარი მეგობრობა, არა ერთხელ გადაზრდილა სასიყვარულო ურთიერთობაში.
17. დაეხმარეთ თქვენს ტვინს და ავარჯიშეთ ის რაც შეიძლება ხშირად. ისწავლეთ 1 ლექსი დღეში. თუნდაც, პატარა და სახალისო. ასევე შეგიძლიათ იკითხოთ საინტერესო წიგნები. კარგი ლიტერატურის კითხვა, ერთ-ერთი კარგი საშუალებაა განტვირთვისთვის.
18. დარგეთ ყვავილი ან მცენარე. მოუარეთ, ესაუბრეთ და უმღერეთ მას და იცოდეთ, რომ მას ყოველი თქვენი სიტყვა ესმის. გაეცით სიყვარული და ის აუცილებლად დაგიბრუნდებათ. ამის შემდეგ კი მიხვდებით, რომ სიმარტოვისგან არა მხოლოდ ადამიანი შველის ადამიანს, არამედ ცოცხალი არსება ცოცხალს.
19. შეიძინეთ ძაღლი, კატა ან სხვა ნებისმიერი შინაური ცხოველი. ჩემივე გამოცდილებიდან გარწმუნებთ, რომ ცხოველები გვიხალისებენ, გვიადვილებენ და გვილამაზებენ ცხოვრებას და ასევე გვავიწყებენ მარტოობას.
20. ბოლო და ყველაზე მთავარი. რა უნდა ახსოვდეს იმ ადამიანს, რომელიც მარტოა? ის, რომ მის გარშემო ასევე ძალიან ბევრი მარტოხელა ადამიანია, რომლებსაც სითბო, ყურადღება და სიყვარული თანაბრად სჭირდებათ. ზოგიერთი მათგანი, სხვადასხვა საშუალებებით ცდილობს სიმარტოვისგან განთავისუფლებას, ზოგიერთი კი თქვენს დახმარებას ელოდება. გაუწოდეთ მათ ხელი და დაინახავთ, რომ აღარც თქვენ ხართ მარტო. უბრალოდ უნდა გაბედოთ ნაბიჯის გადადგმა.
ოსკარ უაილდმა ბევრ სხვა სიბრძნესთან ერთად, კიდევ ერთი საინტერესო აფორიზმი დაგვიტოვა, სიმარტოვის შესახებ: "საკუთარი თავის შეყვარება, ეს იმ რომანის დასაწყისია, რომელიც მთელი ცხოვრების მანძილზე გასტანს”. შეიყვარეთ თქვენი თავი და თქვენ მარტო აღარასოდეს იქნებით. წარმატებებს გისურვებთ.
მარტოობის 10 სასარგებლო :)
ჩვენ ყველას გვქონია პერიოდი როდესაც აქტიურად ვცდილობთ დავიკლოთ წონაში სხვადასხვა დიეტების და ვარჯიშების საშუალებით. ეს დამღლელი პროცესია, რომლის დროსაც ქალთა უმეტესობა დეპრესიაში ვვარდება. თუმცა, ამ საქმისათვის ძალებს არ ვიშურებთ ძალზედ მნიშვნელოვანი მიზეზების გამო: პირველ რიგში ნებისმიერი მანდილოსანი წონაში იკლებს საკუთარი თავისთვის და შემდეგ უკვე გარშემომყოფთათვის და სულ ბოლოს პარტნიორისათვის. ფსიქოლოგთა უმეტესობა ამტკიცებს, რომ გათხოვილ ქალთა 60% ქორწინების პირველი 3 წლის მანძილზე საგრძნობლად იმატებს წონაში, რაც უარყოფითად აისახება მათ ხასიათზე და ურთიერთობაზე პარტნიორთან. შეკითხვაზე თუ როგორ უნდა შევინარჩუნოთ ჩვენთვის სასურველი წონა ფსიქოლოგები საკმაოდ საინტერესო პასუხს გვთავაზობენ: `მარტოხელა ადამიანთა უმეტესობა საკუთარ თავს უცხო ადამიანის თვალით უყურებენ და აფასებენ. შესაბამისად მათ უძლიერდებათ სრულყოფილებისაკენ სწრაფვის სურვილი. ასეთი ადამიანები ცდილობენ ყოველთვის მომხიბვლელნი და საინტერესონი იყვნენ პოტენციური პარტნიორებისათვის.
• მეტი წარმატება!
საოცარია, რაოდენ დიდი დრო მიაქვს ოჯახს და ვალდებულებებს. დაოჯახებული ადამიანის დრო მკაცრად ლიმიტირებული და განსაზღვრულია. შესაბამისად, შეუძლებელიც კი ხდება პირადი მიზნების განხორციელება და კარიერაზე ზრუნვა. დაკვირვების მიხედვით მარტოხელა ადამიანთა 65%-ს 30 წლის ასაკში სერიოზული წარმატებები აქვთ კარიერაში. ფსიქოლოგები ამბობენ, რომ დაოჯახების შედეგად როგორც მამაკაცები, ასევე მანდილოსნები ნაკლებ დროს უთმობენ კარიერას და რაც შეიძლება მეტ დროს ოჯახს და შვილებს. შესაბამისად ფსიქოლოგები გვირჩევენ, რომ ჯერ კარიერაზე ვიზრუნოთ და შემდგომ უკვე შევქმნათ ოჯახი. ამით თავიდან ავიცილებთ აუხდენელი მიზნების და ოცნებების პრობლემას!
• ნაკლები საქმე სახლში!
ყოველ დღიურად სახლის დალაგება და დასუფთავება საწყის ეტაპზე სასიამოვნო და სახალისოა, მაგრამ, როდესაც ეს ცხოვრების წესია - უკვე დამღლელი პროცესია, განსაკუთრებით, როდესაც ადამიანი დაოჯახებულია. თუმცა, როდესაც ადამიანი მარტოხელაა იატაკზე დაგდებული ქაღალდი ან მაისური მისთვის ნაკლებად გამაღიზიანებელია, ვიდრე დაოჯახებულისათვის. გამოკითხვის თანახმად, მარტოხელა მამაკაცთა უმეტესობა მარტოხელა მანდილოსნებთანAშედარებით უფრო აქტიურად არიან დაკავებულნი სახლის დალაგებით. ასე, რომ თუ ჯერ ჯერობით მარტო ხარ ნუ დახარჯავ შენს ძვირფას დროს სახლის დასუფთავებაში, ამას დაოჯახების შემდეგაც მოასწრებ. უმჯობესია ეს დრო იმ საქმეს მოახმარო, რაც გახარებს და გაბედნიერებს.
• შენს ფინანსებს შენ განაგებ!
ოჯახი ენერგიის და დროის გარდა ფინანსებსაც მოითხოვს. მეუღლისათვის შემოსავლის გაყოფა ბევრისთვის ჩვეულებრივი საქმეა. ეს ბუნებრივიცაა ვინაიდან მეუღლეები ერთმანეთზე აუცილებლად უნდა ზრუნავდენენ. მაგრამ მედალს მეორე მხარეც აქვს. ოჯახური ტვირთის გამო ადამიანთა უმეტესობა ვეღარ აძლევს თავს იმის უფლებას, რომ მისთვის სასურველი ნივთი შეიძინოს. სწორედ ამიტომ, როდესაც ადამიანი მარტოა მისთვის ეს პრობლემა ნაწილობრივ მოხსნილია, ვინაიდან თავის საკუთარ ფინანსებს ის თავად განაგებს. ასე, რომ სანამ მარტო ხარ მაქსიმალურად ისიამოვნე თავისუფლებით!
• მრავალფეროვანი ინტიმი!
2007 წლის გაზაფხულზე იტალიის ქალაქ პიზაში სექსოლოგებმა 100 მარტოხელა და 100 დაოჯახებული მანდილოსანი და მამაკაცი გამიკოთხეს. შედეგები საკმაოდ საინტერესო გამოდგა. გამოკითხვის თანახმად, დაოჯახებულ ადამიანებს 97-ჯერ მეტი სექსი აქვთ ვიდრე მარტოხელებს, მაგრამ ამ უკანასკნელებს გაცილებით უკეთესი და წარმატებული ინტიმი აქვთ. თუ რატომ არის ასე სექსოლოგები აი ასეთ პასუხს გვთავაზობენ: `დაქორწინებულ წყვილებს პირველი 4 წლის მანძილზე მეტნაკლებად წარმატებული სექსი აქვთ, თუმცა რაც დრო გადის ერთმანეთისადმი ლტოლვას კარგავენ. ეს შეიძლება სხვადასხვა პრობლემისგან იყოს გამოწვეული, როგორიცაა სტრესი, დეპრესია, გადაღლა, ერთფეროვნება, დაუკმაყოფილებლობა. რაც შეეხება მარტოხელა ადამიანებს მათი ინტიმური ცხოვრება ხშირად უფრო მრავალფეროვანია. შესაბამისად შეძენილ გამოცდილებას და პრაქტიკას დაოჯახების შემდეგ უფრო ანვითარებენ და ავრცობენ პარტნიორთან~.
• უკეთესი ძილი და კონცენტრირება საქმეზე!
გერმანელი მეცნიერების უკანასკნელი დასკვნებით დაქორწინებულ ადამიანებს 1-2 საათით უფრო ნაკლები სძინავთ ვიდრე მარტოხელებს. შესაბამისად, ძილის დანაკლისი იწვევს იმუნური სისტემის დაქვეითებას, ხასიათის გაუარესებას, მოთენთილობას, კონცენტრაციის შესუსტებას, რაც ადამიანის საერთო მდგომარეობაზე უარყოფითად აისახება. სწორედ ამიტომ არ ღირს იმაზე წუწუნი, რომ ცხოვრების ამ ეტაპზე მარტო ხარ! მარტო ძილს უამრავი დადებითი მხარე აქვს, მაგალითად: მთელი საწოლი შენ გეკუთვნის, არავის შემაწუხებელი სუნთქვა არ გაღვიძებს და რაც მთავარია დილით სავსე ენერგიით და საუკეთესეო განწყობით იღვიძებ!
• ნაკლები დეპრესია!
მართალია მასმედია მარტოხელა ადამიანების ცხოვრებას დეპრესიულ და ნაცრისფერ ფერებში გვაჩვენებს, თუმცა ეს ასე არაა. მსოფლიო ჯანდაცვის ორგანიზაციის უკანასკნელი გამოკვლევებით დადგინდა, რომ დაოჯახებული მანდილოსნები და განსაკუთრებით მრავალშვილიანები, ნერვული მოშლილობის სერიოზული საფრთხის წინაშე დგანან. მათთვის ძალზედ ძნელია იდეალური დედის, მეუღლის და მომუშავის როლების შეთავსება, რაც სხვათა შორის საბჭოთა პერიოდში კანონით იყო გათვალისწინებული. როგორც ხედავ, მარტოობას ბევრი დადებითი მხარე აქვს!
• უფრო მეტი მეგობრები!
უდავოა, რომ დაოჯახებამდე ნებისმიერი ადამიანი თავისი დროის უმეტეს ნაწილს მეგობრების წრეში ატარებს. განსაკუთრებით მანდილოსნები. თუმცა, საკმარისია ადამიანის პირადი ცხოვრება ”მწყობრში” მოვიდეს, რომ მეგობრებისათვის განკუთვნილი დრო უფრო და უფრო მცირდება! სიყვარული და რომანტიკა აუცილებელია ადამიანის ცხოვრებაში, თუმცა, მეგობრების გარეშე ცხოვრება მოსაწყენი და ერთფეოვანი ხდება.
• უფრო მეტი მოგზაურობა!
დაოჯახებულ წყვილებს მოგზაურობის შესაძლებლობა ყოველთვის არა აქვთ, სხვადასხვა პრობლემების თუ მიზეზების გამო. თუ ამ ეტაპზე მარტო ხარ ნუ მოაკლდები მოგზაურობის სიამოვნებას. იმოგზაურე იმ ქვეყნებში რომლთა ნახვა ყოველთვის გინდოდა, იხალისე და იყავი ბედნიერი შენს საკუთარ თავთან.
• მეტი გამოცდილება!
ნებისმიერი ურთიერთობის დასასრული ახლის დასაწყისია. რაც უფრო მეტ გამოცდილებას შეიძენ უფრო უკეთ გეცოდინება რა გსურს და როგორ გსურს. რკინას რაც უფრო ხშირად ატარებენ ცეცხლში უფრო ძლიერდება. შენ უკვე ძლიერი და ჩამოყალიბებული პიროვნება ხარ, რომელმაც სიყვარულის და ადამიანებთან ურთიერთობის ხელოვნება ბევრ დაოჯახებულ ადამიანზე უკეთ იცის. თუ იცი ვინ ხარ, რა გსურს ცხოვრებაში და შენს თავთან კომფორტულად ხარ აუცილებლად ბედნიერი იქნები სიყვარულში და წარმატებული კარიერაში. გახსოვდეს ერთად ერთი ადამიანი რომელსაც ვერასოდეს დაშორდები და ვერ დაკარგავ შენ თვითონ ხარ. მთავარია შენი თავი იპოვო და ის ადამიანი, რომელიც შენს ცხოვრებას გაალამაზებს. წარმატებებს გისურვებ.
|
