ქარი-არ კეთილი...კარი-დაკეტილი
ჰგოდებს ვიოლინო სასოწარკვეთილი,
თავზე როგორც ძაძა ღამე მაფარია,
ღამე ჩემი სულის ჩუმი საფარია.
მიხმობს ბედისწერა თვალებანთებული
მევე, ჩემი კუბო მხარზე გადებული
უსამართლობისთვის გამიმეტებია,
ცრემლი არ იქნება, წვიმის წვეთებია
ღაწვებს რომ მიკოცნის სურვილგაცვეთილი...
ზენამ დაასრულა, მწუხრის გაკვეთილი,
სეზამ გამიღეო კარი დაკეტილი,
ჰგოდებს ვიოლინო სასოწარკვეთილი...
|
