ქალს სილამაზე ხილავდა
ვსთხოვე, არ დამაძლევინა!
დავღონდი, წყალი მომწყურდა,
წვეთი არ დამალევინა!
მომხედა, თოლნი შემყარნა,
ნაწინწკლებ წამაყრევინა;
დამრცხო, ავინთე, გავწითლდი,
თავი ძირს დამახრევინა,
სიტყვები გადამავიწყა,
ენა სულ ამარევინა,
არც მითხრა, მოდი, არც წადი,
არც თავი დამახწევინა,
ტიალი რაი ყოფილა,
თავბედი დამაწყევლინა
დახე წყეულსა დიაცსა,
რა დღემდე მომაღწევინა?!
|
