იმ ქალს,
იმ ბერიკაცს გაუმარჯოს,
ვისი ცხოვრების გზაც შვეულია.
ვისაც არასოდეს გაუმართლა,
მაინც სიხარული შეუძლია...
ვისაც იმედები პურად ყოფნის,
ვინ მთელ ქვეყანაზე ეულია,
ვისაც სიყვარულით უარყოფილს
სხვისი სიყვარული შეუძლია...
იმ ქალს,
იმ ბერიკაცს გაუმარჯოს,
ვისი სიმღერებიც მწუხარეა,
ვისაც სიხარული გაუავდრდა,
სხვისი გაღიმება უხარია...
ვისიც შეუძლია ატირება,
მზით და სიკეთით ძლეულია,
დიდი შეცდომების პატიება
ვისაც უხარია ყველაფერი,
ტყეებია თუ ველებია,
ვინ ჩვენი მამულის ფერად ფერებს
ვერადავერ შეელია...
ვისაც არასოდეს გაუავდრდა,
მაინც იმედებით გრძნეულია,
ეს იმ ადამიანს გაუმარჯოს,
ვისაც ს ი ყ ვ ა რ უ ლ ი შეუძლია...
|
