მაიკლ "მიკი" მაუსი (Michael "Mickey" Mouse) კომიკური ანიმაციური ფილმების პერსონაჟია, რომელიც უოლტ დისნეის კომპანიის სიმბოლო გახდა. შექმნა და გაახმოვანა უოლტ დისნეიმ 1928 წელს. უოლტ დისნეის კომპანია მის დაბადების დღეს 18 ნოემბერს აღნიშნავს "თბომავალი ვილი" (Steamboat Willie) გამოსვლის დღეს. ეს სასაცილო თაგუნა მცირე ხანში უბრალო ანიმაციური პერსონაჟიდან მსოფლიოში ყველაზე ცნობად სიმბოლოდ იქცა.
უოლტ დისნეი მიკი მაუსს 1928-46 წლებში ახმოვანებდა, მას შემდეგ კი - ხმის ეფექტების სპეციალისტი ჯეიმს მაკდონალდი. ამჟამად მიკის უეინ ოლუინი ახმოვანებს. დისნეის თქმით შთაგონება მიკი მაუსზე მღრღნელმა მოჰგვარა მის წარუმატებელ სტუდიაში "ლაფ-ო-გრამა", კანზას-სიტიში, მისური, რომელსაც მან მორტიმერ მაუსი დაარქვა. მეორე ვერსიით, მიკი-მაუსის იდეა მას ეწვია, როდესაც მატარებლით მგზავრობდა.
|
