მე ვადღეგრძელებ პირველ სიყვარულს წმინდას, ანკარას,
ყველგან ყოველთვის გულმა ჩუმად თან რომ ატარა,
მე ვადღეგრძელებ პირველ თანხმობას ნათქვამს სიწითლით,
იმ მტანჯველ განცდას შეხვედრის წუთს რომ მწარედ ითვლის.
მე ვადღეგრძელებ პირველ კოცნას, სიწმინდეს მისას,
სიტყვებს: "სულ მუდამ მეყვარები, შენს თვალებს ვფიცავ!"
მე ვადღეგრძელებ პირველ სიყვარულს, გიჟურს, ვნებიანს,
იმ ლამაზ თვალებს შეხვედრისას რომ იბნევიან!.
|
