ძალიან ახლოს ნუ მიხვალ მზესთან,
თორემ უეცრად შემოადნები.
შემზე ძვირფასი ვინ გააჩნია,
მაგრამ მზეა და ნუ შემოწვდები.
დღეებს დღეები გააცხადებენ,
და აპრილს კაბა შემოასკდება.
მოჭექებული ფერთა ყიჭინით,
მაისის ვარდის კვირტი გასკდება.
მოიხატება ნიკალას თითით
მთელი ზეცა და მთელი ხმელეთი.
უფრო ძალიან უნდა ჩავეკრათ,
რომ დავივიწუოთ მთელი ბნელეთი.
უსიყვარულოდ ვის ემღერება,
ზეცას მე მხოლოდ მისით ავივლი.
მეიმედები როგორც არავინ,
მაშინ,შენ სახლთან როცა ჩავივლი.
|
