ამბორთა წყებით თუ გადამარჩენ
შვიდი მაისის წვიმის დაშვებით,
შენს სანსხებში თუ შემიფარებ
მე სამუდამო გადასახლებით?!
განწირული ვარ ამ ცის ქვეშეთში,
ის მე არსდროს არ მაღიარებს,
მან შეისწავლა ჩემი დოსიე
და შენ სარკმელთან აღარ მაკარებს.
ნიღაბთა ქვეშ ვარ შეფარებული
და ჩვენ პირობით ნიშნებს გიგზავნი,
არ ვიცი როდის მომიხელთებენ
ყველგან მდევნიან ქაჯნი და ავნი.
არა მაქვს სხვა გზა ქარში დარჩენილს
და კვლავ მას გკითხავ გზის განახლებით,
შენს სანახებში თუ შემიფარებ,
მე სამუდამო გადასახლებით?
|
