............. - 17 მაისში 2010

♥♥♥♥♥♥

2:32 PM .............
*შენ ჯერ ხარ ინფანტი* *და მე ისევ მიტაცებს წყნარი სიესტა . . .* *შენ ტიტული გბოჭავს.* *მე აღარ მაოცებს გრძნობის პიეტა.* *შენ ერთსა და იმავე დროს საუზმობ* *მე ვსადილობ და ვახშამს აღარ ვჭამ.* *შენ დოგმების მსახური ხარ* *მე კი, კანონები ქვაზე წავიკითხე,* *ალკოჰოლი გეკრძალება,* *მე ტეკილას ვსვამ.* *ფიესტას აივნიდან უყურებ* *მეფურად, მოდიხარ და...* *მე ხარის რქებზე წამოგებული,* *მაინც გეტყვი: მეფევ, გჯობივარ!* *მე ადამიანი ვარ, ყველა გრძნობით აღჭურვილი,* *შენ გრძნობები სკიპტრის ბურთში ჩაგიხვრჩეს,* *მახინჯი სიამაყე მანჟეტით დაგიბეს,* *არადა, რა ლამაზი ყელი გაქვს...* *ცეკვა იცი?! იცი, ოღონდ სიგიჟის გარეშე* *ფლამენკო არც გაგიგია,* *მეფეო სიგიჟეზე ფიქრი როგორ გაბედე?!* *,,მარი დელ კარმენს” ნუ მოუსმენ* *ნესტიან გიტარაზე მიმღერე.* *იგრძენი ადამიანობა,* *გიჟი ნუ გგონივარ* *თორემ ისევ გეტყვი* *მეფევ, გჯობივარ!* *და გეწყინება, ცისფერი სისხლი მაინც ამაყია.* *არადა ადამიანობა (იცი შენ ეს) ყველაზე ლამაზია.* *.......................................................................* *მოდი, ვცადოთ და ერთად დავწეროთ,* *ერთი კალმით,* *როგორც დედა ასწავლის შვილს წერას,* *როგორც ღმერთი წერს ბედისწერას* *ადამიანებთან ერთად...* *დაგასწარი!... ცერა თითს მე ვადებ კალამს,* *საჩვენებელს შენ.* *მოდი, ვცადოთ და ერთი კალმით ვწეროთ...* *არ იყოს ჩვენში „ვერ"...* *ყველა ასოზე ვიჩხუბებთ მერე,* *ერთად ავირჩვეთ მელნის ფერებს,* *საწყალ ასოებს ხან იქით ქაჩავ,* *მე არ დაგითმობ, სიტყვებს კი ვმალავ...* *აზრებს ერთამენთს გავაჯიბრებთ,* *მოვაწყობთ ფრენებს* *ავიახაზებით - სტრიქონები მარცხნიდან მარჯვნივ,* *მაჯა მაჯაზე, თითი თითთან,* *ერთ მთლიანობად ვიქცევით, გინდაა?...* *ერთად დავწეროთ ათას რამეზე,* *იმ ათასიდან ერთი კი ჩვენზე,* *ვწეროთ მთვარეზე, მზიან ღამეზე,* *პოლარულ ზაფხულზე, კოცნა ფარულზე...* *ასე, უბრალოდ ვწეროთ და ვწეროთ...* *ჩუმი აზრები მელნით შევფეროთ...*
1 2 3 4 5 კატეგორია: ♥ლექსები სიყვარულზე♥ \| ნანახია: 1241 \| დაამატა: nika_wero \| რეიტინგი: 5.0/1