ყალბი ღიმილის ყალბი ამბორი,
მზიანი ღამის უღვთო ვალები,
კიდევ მრავალჯერ უნდა დავეცე
შენთვის ნაგვემი და ნაწამები.
...ნაწნავი შეგიჭრია სიონის ასულო
თმენით შემოსილხარ ქვეყნად ჩამოსულო,
ყოველ დამაშვრალის მაშველად მოსულო,
ვარდო შირაზისა მწუხრში ამოსულო.
დაგეძებ ყველგან და დაგეძებ ყოველში,
კონკიას სამხილით მეხ ნაცემ სოფელში,
გოდების კედელთან ვით მავრი ცოდვებში,
როგორც ხავსს ნაჭიდი კოსმიურ მორევში.
ეჰეჰეჰეჰეი აღსდექი,აღსდექი მსოფლიო,
ეგებე ვინც შენთვის შენს ნაცვლად ეწამა,
გახსენი ზეცა და უჩვევი თვალებით,
მიიღე ვინც გშობა და მსგავსად გიწამა.
...............................................................
შენამდე დღეები,წუთები,წვეთები,
ზეცამდე აწვდილი მთრთოლვარე ხელები,
ასე თუ მოგიწევ,ასე თუ ვევნერბი,
მზისთვალით ავსილი მოთმენის მტევნები.
სერები,ტყეები,მთები,მყინვარები,
ზღვა,მდინარეები,სამოთხის ფერები,
სივრცე განფენილი ლურჯი ხავერდები,
შენ ყველგან ჩემში ხარ და არსად მავიწყდები.
სამყაროს თავიდან ნაწევი მდევრები,
გზა და გზა სისხლი და ცოცხალი ცხედრები,
ვარ შენი საფარი ხილვით ნახარები,
მხოლოდ არ შეჩერდე ამას გევედრები.
|
