სად გაატარებთ საახალწლო შვებულებას?
ბაკურიანში, გუდაურში, ბათუმში...
ქვეყნის გარეთაც რომ გახვიდეთ, ალბათ მაინც იმ მხარეს მიაშურებთ, სადაც ბევრი ფანტელი, თეთრი მთები და, ამავე დროს, მზიანი დღეებია...
ყინვა, სიცივე, ქარი - სახეს განსაკუთრებით ვნებს, აშრობს და აზიანებს ფორებს.
თუმცა, ყინულს მაინც შეუძლია სიკეთე მოუტანოს თქვენს კანს.
არც ისე სასიამოვნო შედარებაა, მაგრამ თქვენც იცით, როგორ კარგად ინახება ნებისმიერი პროდუქტი, განსაკუთრებით კი ხორცი, საყინულეში...
ყინული თქვენს სახის კანზეც იგივე პრინციპით იმოქმედებს...
თოვლის ნიღაბი ძალიან სასარგებლოა!
შეარჩიეთ ყველაზე მზიანი და თბილი დღე, გადით ბუნებაში და გაწმენდილ სახეზე დაიდეთ თოვლის თხელი ფენა.
ისე, რომ კანი მოგეყინოთ. გაიჩერეთ ეს ნიღაბი ოთხი ხუთი წუთის განმავლობაში, შემდეგ კი მოიშორეთ, შეიშრეთ სახე და წაისვით მკვებავი კრემი...
პერიოდულად, ორ კვირაში ერთხელ მაინც გაიკეთეთ ეს ნიღაბი სახლში.
ნატურალური თოვლის ნაცვლად, შეგიძლიათ, ყინულის ნატეხები გამოიყენეთ ან შეიძინოთ სპეციალური გასაყინი ჟელატინის პაკეტები, რომლებიც კოსმეტოლოგიურ კაბინეტში ან სალონში უხვად მოიპოვება...
|
