პირველი პაემანი ყოველთვის უნდა იყოს სასიამოვნო. იმის მაგივრად, რომ იფიქროთ გამოიყურებით თუ არა კარგად, ან რა შთაბეჭდილება დატოვბეთ თქვენი მეორე ნახევრის თვალში, ნამდვილად ჯობია იფიქროთ იმაზე თუ სად წაიყვანოთ მანდილოსანი, რომ მაქსიმალურად გაერთოთ და უკეთ გაიცნოთ ერთმანეთი.
კაფე. ეს უთუოდ კარგი აზრია, იმ შემთხვევაში თუ თქვენს მეორე ნახევარს მოსწონს ამგვარი ადგილები. კაფეს აქვს ერთი უმთავრესი პლიუსი. კერძოთ, ის, რომ კაფეში საუზმობა დიდხანს არ გრძელდება. ანუ თუ რაიმე ცუდად მიდის, ეს ყველაფერი დიხანს არ გაიწელება. ასევე მეორე პლიუსი ის არის, რომ იაფად გამოხვალთ და არ მოგიწევთ საფულის დაცარიელება. ხოლო ყველაფერი თუ კარგად დამთავრდა, მაშინ კარგი განწყობა მთელი დღის განმავლობაში გაგყვებათ.
კინოთეატრი. ლეგენდარული ადგილი პირველი პაემანისათვის. რაც მთავარია ისვენებთ და ბოლოს სასაუბრო თემა გაქვთ. არ დაგავიწყდეთ ისეთი ფილმის შერჩევა რომელიც ორივეს მოგეწონებათ. ყველაზე კარგი ისაა, რომ დიდი თანხის დახარჯვა არ მოგიწევთ.
ატრაქციონების პარკი. კარგი ადგილია გასართობად და ადრენალინის გამოსაყოფად. ასევე კარგია იმით, რომ ნახავთ თქვენი მეორე ნახევარი რამდენად მშიშარაა და რამდენად გამბედავია. ასევე შეიძლება ერთგვარი ”პლიუსების” დაწერა თუ თქვენი მეორე ნახევრისათვის მოიგებთ რაიმე ფუმფულა სათამაშოს, მაგალითად ტირში.
თეატრი. შესანიშნავი ადგილია თუ გსურთ თქვენი სასურველი მამაკაცის ხელში ჩაგდება. თქვენ მხოლოდ ლამაზი კაბა კარგი ვარცხნილობა და მანერები გჭირდებათ. მთავარია არ გადააჭარბოთ ეს ყველაფერი. თქვენ ხომ მოწონება გსურთ და არა შეშინება. ასევე ადგილი კარგია იმით, რომ გაიგებთ თქვენი მეორე ნახევარი რამდენად განათლებულია და როგორი ინტელექტის დონე გააჩნია.
|
