მე რომ შემეძლოს შენთვის მეკოცნა -
დაგიკოცნიდი თვალებს ფაქიზად,
ნაზი ამბორით გაგაბრუებდი,
თითოეულ თმის ღერს დაგიკოცნიდი.
მე რომ შემეძლოს შენი ფერება -
ალბათ არასდროს დავიღლებოდი. . .
მე რომ შემეძლოს შენთვის მეცქირა -
ჩემგან არასდროს არ გაგიშვებდი,
ალბათ წუთითაც არ ვიძინებდი,
არ მეყოფოდა ცხოვრება სრული. . .
მე რომ შემეძლოს შენი მოსმენა -
არ ვისურვებდი არაფერს გარდა,
შენი წყნარი ხმის, შენი ფიქრების,
ოცნებისა და მშვიდი სუნთქვის. . .
მე რომ შემეძლოს თუნდ ერთი წუთით
შენს მიუწდომელ მკერდთან შეხება -
ჩაგიხუტებდი გულში უეცრად
და აღრასდროს არ გაგიშვებდი. . .
მე რომ შემეძლოს შენთვის რამის თქმა,
დამჭირდებოდა მთელი ცხოვრება,
რათა ამეხსნა როგორ მიყვარხარ!
|
