აი, კვე რამდენი ხანია უშედეგოდ გეძებ, მას შემდეგ გეძებ, რაც გავაცნობიერე , რომ მჭირდები, გეძებ ყველგან, სადაც თვალი და ყური მიმიწვდება. რამდენჯერმე კინაღამ შევცდი, სხვაში შემეშალე, თითქოს რაღაცით მიგამსგავსე, მაგრამ საბედნიეროდ დროულად მივხვდი ,რომ შენ არ იყავი. არა, შენ მათ არ ჰგავხარ, შენ ისეთი სხვანაირი ხარ, რომ ხან მეშინია რომ ვერ გიპოვნი, რომ უკვე დაგკარგე, ან სხვამ დაგისაკუთრა. რომ იცოდე როგორ მინდა რომ გამოჩნდე, აუცილებლად შენ თვიტონვე მომძებნიდი, მე ხომ ისე, უნახავად დაგითმე ჩემიცხოვრების მნიშვნელოვანი ნაწილი, არც კი გითხოვია ისე გაგიხსენი გულის ყველაზე თბილი კუთხე, შენ კი იგვიანებ, იმალები. ნუ მემალები, არ მიყვარს დამალობანას თამაში.
უხმოდ გეძახი და დანამდვილებით ვიცი რომ გესმის, დიახ, ის იდუმალი ხმა ჩემია ასე რომ გიზიდავს, კარგად დაუგდე ყური, ნუ მოუყრუებ, თორემ ერთხელ თუ დაკარგე კვალი, მისი მიგნება გაგიჭირდება. იცოდე , მე მხოლოდ იმ გზას გავყურებ, რომელიც შენ მოგიყვანს და ვერავინ მომაშლევინებს შენს მოლოდინს. მალე მოდი, რომ შენი დანახვით დარცხვენილს ნიკაპი ამიწიო, თვალებში ჩამხედო და მითხრა, რომ აღარსად წახვალ....
|
