მოხუცო, აჰა, აიღე ფული,
გული მიკვდება რომ გხედავ მშიერს.
(კარგი კაცისთვის ცხოვრება რთული,
ტაშფანდურა აქვს ცოდვის ნაშიერს.)
შეგცივდა ბალღო? აჰა, ჩაიცვი,
მე არა მცივა, ნუ დარდიანობ.
ვინმემ ჯიბეზე ხელი გაისვით,
თოთო ბავშვს შია ადამიანნო.
ახალი წელი მოდის და ყველა,
შინ თბილ ბუხარზე აფიცხებს ხელებს,
კედლების იქეთ მახსოვს რომ ცხელა,
გარეთ სიცივე გაგასულელებს.
ყველა საღამოს სამზადისშია,
ან ვინ დაეძებს გლახაკთ მარწუხებს,
არავის დარდობს თუკი ბავშვს შია,
ან რატომ ტირის, ან რა აწუხებს.
ლხინის სუფრები სახლში გააწყვეს,
(ჩვენთვის ლხინია მოტაცებული,)
ჩვენ სამნი, ერთად შევხვდით ახალ წელს,
მე, ის ბალღი და მოხუცებული.
|
